1 2 3 4 5

(به‌ بۆنه‌ی کرانه‌وه‌ی بنکه‌ی فه‌رهه‌نگیی هونه‌ریی “قه‌ڵه‌می هاوچه‌رخی کورد”) هۆمه‌ر نۆریاوی

mvi_305700_02_3120161128-012923-1

هه‌ورامان له‌ ‌به‌رده‌م وه‌رچه‌رخانێکی هه‌ستیاردا
(به‌ بۆنه‌ی کرانه‌وه‌ی بنکه‌ی فه‌رهه‌نگیی هونه‌ریی “قه‌ڵه‌می هاوچه‌رخی کورد”)
هۆمه‌ر نۆریاوی
پاش هه‌وڵێکی دوور و درێژ و ده‌ستخستنی ئه‌زموونێکی گرانبایی، هه‌ورامان ئه‌مڕۆکه‌ له‌ سای کۆمه‌ڵه‌ مرۆیه‌کی خه‌مخۆر و خودان هزردا له‌ به‌رده‌م وه‌رچه‌رخانێکی مێژوویی و هه‌ستیاردایه‌ و به‌ کرانه‌وه‌ی بنکه‌ی “قه‌ڵه‌می هاوچه‌رخی کورد” له‌ شاری “پاوه”‌، چاوه‌ڕوانییه‌کان له‌م ده‌ڤه‌ره‌ زێتر و به‌رزتر ده‌بێته‌وه‌.
بیرۆکه‌ی دامه‌زراندنی ئه‌م بنکه‌ چاندییه‌ بۆ گه‌لێک ساڵان پێش ئێستا ده‌گه‌ڕێته‌وه‌ که‌ ژماره‌یه‌ک ڕۆشنبیری ئه‌م ناوه‌ وه‌خۆ که‌وتن تا چیدی هه‌ورامان له‌ چه‌قبه‌سته‌ییدا نه‌مێنێته‌وه‌ و بۆ خۆی ببێته‌ خاوه‌نی سه‌کۆ و تریبۆنێک و سووک و ساناتر بتوانێت ده‌نگی به‌ هه‌موو ناوێکی کوردستاندا بڵاو بکاته‌وه‌. ئه‌م کۆمه‌ڵه‌ مرۆ خه‌مخۆره‌ پاش هه‌ستکردن به‌ کێشه‌ و ئارێشه‌ و گرفته‌ چاندیی و فه‌رهه‌نگییه‌کان له‌م ناوه‌ و بوونی بۆشایی و که‌لێن له‌م بواره‌دا و هه‌روه‌ها مه‌ترسییه‌کانی به‌رده‌م و تاکڕه‌وییه‌کان، لێبڕان قۆڵ و باسکی هیممه‌تی لێ هه‌ڵبماڵن و بۆ داهاتووی ئه‌م ناوه‌ پلان و سیاسه‌تێکی ڕوونی فه‌رهه‌نگی دابڕێژن. دیاره‌ کۆسپ و ئارێشه‌کانی به‌رده‌م یه‌ک و دوو نه‌بوون. هه‌ر له‌ گرفته‌ ئابوورییه‌کانه‌وه‌ تا به‌ که‌ند و له‌نده‌کانی ساخته‌ی ده‌ست ژماره‌یه‌ک مرۆی ناوچه‌گه‌را، بیر ته‌سک و خۆبینه‌وه‌ به‌ڵام جه‌وهه‌ری کوردانه‌ و ڕۆحی گه‌لپه‌روه‌رانه‌ی ئه‌م کۆمه‌ڵه‌ مرۆ نیشتمانپه‌روه‌ره‌ چۆکی به‌ هه‌موو کێشه‌کان دادا و سه‌ره‌نجام ئه‌م بنکه‌ فه‌رهه‌نگیی هونه‌رییه‌ که‌ خه‌ونی ده‌یان ساڵه‌ی سه‌دان مرۆی شه‌یدای کولتوور و چاندی کوردی له‌م ناوه‌دایه‌، هاته‌ دی.
هه‌ورامان، ئه‌و ده‌ڤه‌ره‌ خودان سه‌نگه‌ی کوردستان دێته‌ ئه‌ژمار که‌ له‌ نێو پانتایی ڕۆشنبیریی کوردییدا به‌ درێژایی دیرۆک ده‌وری واڵای بینیوه‌ و به‌ سه‌دان خه‌باتکاری بواره‌ جۆربه‌جۆره‌کان له‌م ناوه‌وه‌ سه‌ریان هه‌ڵداوه‌ و ڕاژه‌ و خزمه‌تی سامانی فه‌رهه‌نگیی و…میلله‌ته‌که‌یان کردووه‌. توانای واڵا و به‌رزی ڕۆڵه‌کانی ئه‌م ئاو و خاکه‌ له‌ هه‌موو بوار و به‌ستێنه‌ زانستییه‌کاندا سه‌لمێنه‌ری هه‌مان ڕاستییه‌ و تا دێت ئه‌م ناوه‌ پتر له‌ کوردستاندا ده‌نگ ده‌داته‌وه‌. مێژوو، کولتوور، تۆره‌ و فۆلکلۆری زه‌نگینی ئه‌م ناوه‌، ئه‌و میراته‌ گرانباییه‌ دێته‌ ئه‌ژمار که‌ خوێنده‌وار و ده‌سته‌بژێری هه‌ورامان ده‌توانێت وه‌ک چه‌کی به‌رده‌ست ده‌کاریان بێنێت و له‌سه‌ر ئه‌م ڕابردووه‌ ده‌وڵه‌مه‌نده‌ بکه‌وێته‌ توێژینه‌وه‌ و لێکۆڵینه‌وه‌ و چرا و ڕێنیشانده‌ر بۆ خه‌ڵکانی دیکه‌یش بێت که‌ گه‌ره‌کیانه‌ له‌ ڕه‌هه‌نده‌ جۆربه‌جۆره‌کانی ژیان له‌ هه‌وراماندا بکۆڵنه‌وه‌‌. هه‌ر به‌ هه‌ستکردن به‌ گرینگیی و بایه‌خی ئه‌م ڕابردووه‌ زه‌نگینه‌ و ناساندنی به‌ هه‌موو کوردستانه‌ که‌ ئه‌مڕۆکه‌ بنکه‌ی “قه‌ڵه‌می هاوچه‌رخی کورد” ده‌کرێته‌وه‌ تا کارئاسانیی بۆ نه‌وه‌ی زانستوه‌ر و بیرڕوونی ئه‌م ناوه‌ و هه‌موو ئاشقانی فه‌رهه‌نگ و کولتووری کوردی بکات و له‌م ڕێگه‌وه‌ سه‌دان شارای ده‌وڵه‌مه‌ندی دی بخرێته‌‌ سه‌ر خه‌رمانه‌ی ڕه‌نگاڵه‌یی میلله‌تی کورد.
ئاشنایه‌تی من له‌گه‌ڵ ئه‌م کۆمه‌ڵه‌ مرۆ خه‌باتکاره‌دا ڕه‌نگه‌ ئه‌وه‌نده‌ دوور و درێژ نه‌بێت به‌ڵام ‌وا هه‌ست ده‌که‌م‌ گه‌لێک ساڵه‌ که‌ هه‌مووان به‌ یه‌ک ئاراسته‌دا ده‌چین و له‌م پێناوه‌دا تێده‌کۆشین و خه‌بات ده‌که‌ین تا ئه‌مڕۆمان بنه‌خشێنین. ئه‌م بنکه‌یه‌‌ بێ سێ و دوو پێویستی به‌ پاڵپشتیکردنی هه‌مه‌ لایه‌نه‌ی جه‌ماوه‌ریی و بگره‌ ده‌زگه‌ فه‌رمییه‌کانی ئه‌م ناوه‌ هه‌یه‌ و ئه‌وه‌ی دێته‌ به‌رهه‌م، بۆ هه‌ورامان ده‌مێنێته‌وه‌ و شانازییه‌که‌ی بۆ هه‌ر هه‌مووان ده‌بێت.
ئه‌م بنکه‌یه‌ ئه‌مڕۆکه‌ به‌ دانان و ده‌ستنیشانکردنی چه‌ندین لیژنه‌ی پسپۆڕیی ده‌یه‌وێت ڕۆچنه‌ی نوێتر له‌ ڕووی هه‌ورامان بکاته‌وه‌ و له‌ ڕێی ڕێکخستن و یه‌کخستنه‌وه‌ی‌ هه‌موو تواناکانه‌وه‌، ناوبانگی ئه‌م ناوه‌ به‌ چه‌شنێکی دی به‌ سه‌رپاک کوردستاندا بڵاو بکاته‌وه‌. ده‌وری که‌سایه‌تییه‌ فه‌رهه‌نگیی و هونه‌رییه‌کانی هه‌ورامان و ئاماده‌بوونیان له‌م بنکه‌یه‌دا ده‌توانێت ڕووبه‌ری کارکردنی به‌رفره‌وانتر بکات و به‌رهه‌می زێتر به‌م ناوه‌ ببه‌خشێت. بێگومان یه‌کگرتنه‌وه‌ی ئه‌م هه‌موو توانا مه‌عنه‌وییه‌ دڵنیایی زێتر به‌ کۆمه‌ڵگه‌ی هه‌ورامان ده‌به‌خشێت. پاراستنی فره‌ده‌نگیی و فره‌ڕه‌نگیی هه‌ورامان و ڕێزنان له‌ هزر و ئه‌ندێشه‌ی جیاواز ده‌توانێت ده‌سته‌به‌ری داهاتوو و دادێیه‌کی گه‌شتر بۆ ئه‌م بنکه‌یه‌ بکات و ڕاکێشه‌ری هه‌موو جه‌وهه‌ره‌ زانستییه‌کانی هه‌ورامان هه‌ر له‌ سه‌لاس و باوه‌جانی و ڕوانسه‌ر و جوانڕۆوه‌ تا به‌ باینگان و پاوه‌ و نه‌وسوو و نۆتشه‌ و یه‌ک به‌ یه‌کی شارۆچکه‌ و گونده‌کانی ئه‌م ناوه‌ی نیشتمانی کوردانه‌وه‌ بێت و به‌ره‌نگاری هه‌مه‌ جۆره‌ ده‌مارگرژییه‌کی شارچێتییانه‌ و شێوه‌زارگه‌ری ببێته‌وه‌. به‌ دڵنیاییه‌وه‌ ئه‌م بنکه‌یه‌ ده‌توانێت گه‌شه‌پێده‌ری هه‌مه‌ جۆره‌ چالاکییه‌کی فه‌رهه‌نگیی و چاندیی له‌م ناوه‌دا بێت و خه‌ونی قه‌ڵه‌مه‌ به‌بڕشت و نه‌ناسراوه‌کانی ئه‌م ناوه‌یش بێنێته‌ دی.
پێکهاته‌ی لیژنه‌کان و توانای هه‌ر کامه‌ له‌ ئه‌ندامانی ئه‌م لیژنانه‌، مژده‌ی سبه‌یه‌کی گه‌شمان بۆ ئه‌م ناوه‌ی کوردستان پێ ده‌به‌خشێت به‌و مه‌رجه‌ی ته‌بایی و کۆده‌نگیی له‌ نێو لیژنه‌کاندا باڵاده‌ست بێت و پێش به‌ تاکڕه‌ویی بگیردرێت. ڕاسته‌ هێشتا زووه‌ بۆ ڕاده‌ربڕین به‌رانبه‌ر به‌م بنکه‌ چاندییه‌ لێ، خودی کرانه‌وه‌ی ئه‌م بنکه‌یه‌ و ده‌ستپێبوونی چالاکی بۆ هه‌ورامان، مایه‌ی دڵخۆشییه‌. خامه‌ی چه‌له‌نگی به‌شێکی فره‌ی ئه‌ندامانی نێو لیژنه‌کان ئومێدبه‌خشه‌ و مرۆیش به‌ هیواوه‌ ده‌ژییت. ئه‌وه‌ چاوه‌ڕوانییه‌کی ڕه‌وا و ڕاستینه‌یه‌ که‌ هه‌موو هه‌ورامانییه‌ک ئه‌م بنکه‌یه‌ به‌ ماڵی خۆی بزانێت و کار بۆ په‌ره‌ و گه‌شه‌پێدان و پێشخستنی بکات؛ له‌و لاشه‌وه‌ خه‌مخۆرانی چاند و تۆره‌ی هه‌ورامان چه‌مه‌ڕان که‌ به‌رپرسان و لێپرسراوانی ده‌زگه‌ فه‌رهه‌نگییه‌کان(حوکوومییه‌کان) له‌ گشت بارێکه‌وه‌ یارمه‌تیده‌ر بن و کارئاسانی بۆ درێژه‌دان به‌ خه‌باتی ئه‌م مه‌کۆ چاندییه‌ بکه‌ن چونکه‌ ده‌یه‌وێت خزمه‌ت به‌ کولتوور و فه‌رهه‌نگی هه‌ورامان بکات و ناوبانگی ئه‌م ناوه‌ی کوردستان زێتر به‌ هه‌موو لایه‌کی کورده‌واریدا بڵاو بکاته‌وه‌. ئومێده‌ ئه‌م بنکه‌یه‌ زۆر خێرا کار بۆ کردنه‌وه‌ی چه‌ندین لقی دی له‌ شار و شارۆچکه‌کانی دیکه‌ی هه‌وراماندا بکاته‌وه‌ تا ده‌نگی زێتر له‌ ده‌وری خۆی گرد بکاته‌وه‌ و هه‌مووانیش خۆیان به‌رانبه‌ر ڕاپه‌ڕاندنی ئه‌رکه‌ قورسه‌کانی ئه‌م بنکه‌یه‌ به‌ به‌رپرسیار بزانن و به‌ ڕوانگه‌ و پێشنیاز و گله‌ و گازنده‌ و ڕه‌خنه‌ی خۆ، له‌ پێشخستن و سه‌رخستنی پرۆژه‌ هه‌ستیاره‌کاندا ده‌وری کارا ببینن. توانا و ده‌سته‌ڵاتی ئه‌ده‌بیی ئه‌م به‌شه‌ی کوردستان له‌ نێو وێژه‌ی کوردییدا، هاتنه‌ مه‌یدانی نه‌وه‌یه‌کی نوێ له‌ خامه‌ی به‌پێز، به‌رفره‌وانکردنی بازنه‌که‌ی جاران و دانانی پلان و سیاسه‌تێکی ژیرانه‌ و ڕوونی فه‌رهه‌نگی، چه‌ند پرسێکی هه‌ره‌ هه‌ستیارن که‌ پێویسته‌ به‌هه‌ند وه‌ربگیردرێن.
شیاوی وتنه‌ بنکه‌ی فه‌رهه‌نگیی هونه‌ریی “قه‌ڵه‌می هاوچه‌رخی کورد” ڕۆژی ۱۸ی خاکه‌لێوه‌ی ۱۳۹۵ی هه‌تاوی(۲۰۱۶)به‌ فه‌رمی تۆمار کراوه‌ و سه‌ره‌تای ئه‌م پایزه‌یش له‌ ده‌زگه‌ی ناوه‌نده‌ چاندییه‌کانی به‌ڕێوه‌به‌رایه‌تی گشتیی ئیرشادی ئیسلامیی پارێزگه‌ی کرماشان مۆڵه‌تنامه‌ی کارکردنی وه‌رگرتووه‌. بڕیار بوو ئه‌م بنکه‌یه‌ ڕۆژی ۱۸ی خه‌رمانان به‌ فه‌رمی بکرێته‌وه‌ به‌ڵام کۆسپ و ته‌گه‌ره‌کانی به‌رده‌م، ئه‌م گرینگه‌ی دوا خست. سه‌ره‌نجام ڕۆژی ۴ی سه‌رماوه‌زی ۱۳۹۵ی هه‌تاوی(۲۴ی نۆڤه‌مبه‌ری ۲۰۱۶) به‌ ئاماده‌بوونی ده‌یان که‌سایه‌تی زانستیی و ئه‌ده‌بیی کورد هه‌ر وه‌ک قوتبه‌دین سادقی ، حامید کۆنه‌پۆشی، سه‌عید نه‌ججاڕی(ئاسۆ)، ڕه‌حیم لوقمانی،ئیره‌ج عیبادی، هۆمه‌ر نۆریاوی، مه‌حموود موباره‌کشاهی، سه‌باح جه‌باری، قاسم ئه‌رژه‌نگ، سابیر مورادی، فه‌ره‌یدوون میرئه‌حمه‌دی، سه‌عدی حاجی، فه‌رشید شه‌ریفی،جه‌مال جه‌باری، عادڵ محه‌ممه‌دپوور، ڕه‌ئووف محه‌ممه‌دپوور، کولسووم عوسمانپوور،حه‌مه‌ڕه‌شید ئه‌مینی، مۆمن یه‌زدانبه‌خش، که‌یهان عه‌زیزی،داوود غه‌ففاری، عه‌تا وه‌له‌دی، محه‌ممه‌د غه‌ففاری، ئه‌حسه‌ن ڕه‌شیدی، نیعمه‌ت ڕه‌حمانی، سه‌باح محه‌ممه‌دی،موختار هه‌دایه‌تی و شه‌یدایانی فه‌رهه‌نگ و هونه‌ری کوردی له‌ ده‌ڤه‌ری هه‌ورامان، له‌ ته‌لاری ئیرشادی ئیسلامیی شاری پاوه‌ کرایه‌وه‌ و په‌رده‌ له‌سه‌ر لۆگۆی قه‌ڵه‌می هاوچه‌رخی کوردیش لا درا. هه‌روه‌ها ژماره‌ ۱ی “شار”، بڵاڤۆکی ناوخۆی بنکه‌ی فه‌رهه‌نگیی هونه‌ریی قه‌ڵه‌می هاوچه‌رخی کورد که‌وته‌ به‌ردیده‌ی خوێنه‌ر. ئه‌وه‌ش له‌ بیر نه‌که‌ین به‌خته‌وه‌رانه‌ هه‌نووکه‌ چه‌ندین سه‌نته‌ر و بنکه‌ی دی فه‌رهه‌نگیی و ئه‌ده‌بیی له‌ ئاستی هه‌وراماندا کار بۆ پێشخستنی ڕه‌وتی هزریی و فه‌رهه‌نگیی ئه‌م ناوه‌ی کورده‌واری ده‌که‌ن و بوونی پێوه‌ندی گه‌رم و گوڕ و نزیکی نێوان ئه‌م بنکانه‌ سه‌ره‌ڕای هه‌موو جیاوازییه‌کان، به‌ر و ده‌سکه‌وته‌ فیکریی و ڕۆشنبیرییه‌کانی ئێره‌ هه‌مه‌ ڕه‌نگتر و فره‌وانتر ده‌کات و ئه‌مه‌ش هه‌مان خاڵی هه‌ره‌ گرینگ دێته‌ ئه‌ژمار که‌ هه‌مووان له‌ پێناویدا خه‌بات ده‌که‌ن. ئاماده‌بوونی به‌ ده‌یان که‌سایه‌تی ناودیاری کورد له‌ به‌شێکی فره‌ی ئه‌م به‌شه‌ی کوردستانه‌وه‌ بۆ ڕێوڕه‌سمی کرانه‌وه‌ی ئه‌م بنکه‌یه‌ هیوابه‌خشه‌ و نیشانه‌یشه‌ بۆ بوونی جه‌وهه‌ر و هزری نیشتمانیی لای سه‌رپاک ئه‌ندامان. هه‌ورامان هه‌ر ئاوه‌دان و به‌ری خامه‌ی هه‌ورامانییه‌کانیش بۆ نیشتمانی کوردان فره‌وان.
بۆ وتن ده‌شێت ئه‌م بابه‌ته‌ له‌ ژماره‌ ۱۱ی دوو حه‌وته‌نامه‌ی “لووتکه‌”،۹ی سه‌رماوه‌زی ۱۳۹۵ی هه‌تاوی(۲۹ی نۆڤه‌مبه‌ری ۲۰۱۶)،لاپه‌ڕه‌ی ۵دا چاپ و بڵاو بۆته‌وه‌.

mvi_298000_00_0920161128-010609-3

درباره ی مـظفـر ولـدبیگی

ئه م وب سایت که له به ر چاوی خوینه رانی به ریزه ، له لایه ن مزه فه ري وه له د به گي و به هاوكاري هيوای برای ئه رکه کانی به ریوه ده چی . له خوینه رانی ئه م توره کومه لایه تیه داواکارین بو باشتر به ریوه بردنی،هاریکاری و هاوکاریمان بکه ن . بو په ره پیدانی زياتر به ژماره موبایلی 09183318945 یا ئیمه یلی mozafarnoryaw@yahoo.comپه یوه ندیمان پیوه بگرن . سه ربه رزیتان ئاره زومانه

10 دیدگاه

  1. کاک عمر عزیز به راستی زور به جوانی توزیحت داوه هیوامان اوه یه که بتوانت خزمتی به که لتوری کوردی بکات

  2. کاک هومه ر این امر بایستی در اولویت اهداف انجمن باشد که کسانی دیگر به غیر اعضای محترم این انجمن هستند که بسان آنها فکر نمیکنند اما حضور ودعوت از از آنها هم بر غنای انجمن می افزاید وهم جایگاه معنوی انجمن را در میان طبقه تحصیلکرده وروشنفکر جامعه ارتقا میدهد بعضی دوستان انجمن در عالم خیالی خود هستند وگمان میکنند چون خودش وهمفکرانشان در محل وانجمن جمع شده اند دیگر کاری برای جامعه و فرهنگ کوردی کرده اند درحالیکه زمانیکه خدمت به آن اطلاق میشود که در کناردوستانی که دغدغه فرهنگ دارند و متفاوت از آنها فکر میکنند حضورداشته باشند که همزیستی افکار متفاوت در کنار هم به نفع کلیت جامعه خواهد بود در غیر اینصورت باخورد مناسب وبنیادی نخواهد داشت.

  3. کار فرهنگی کار امر خطیری است که زیبایی آن در تلاش برای رسیدن به اهداف از دل مشقت هاست

  4. سڵاو و حورمەت بۆ هاوڕێی خامەڕەنگین کاک هۆمەر نۆریاوی ئازیز

    دەستی ماندوو بوونت لە دوورەوە دەگوشم. بەڕاستی مرۆڤ بەم نووسینەی جنابتان، ئیدی خۆی پێ ناگیرێت، لە سای کەمتەرخەمی و بێدەنگی و بێلایەنی دانیشێت و خۆی ڕەگەڵ ئەم کاروانی خزمەت و پێشکەوتن و ڕۆشنبیریەدا نەکەوێت.
    هیوامان وایە قەڵەمی هاوچەرخی کورد بتوانێت، سەرجەم کەند و لەندەکان، ببڕێت و ببێتە خاڵی وەرچەرخانێکی فەرهەنگی و ڕۆشنبیری لە ناوچەگەدا.
    منیش لێرەوە سپاس و دەستخۆشیم بۆ قەڵەمی هاوچەرخی کورد دەنێرم و هیوادارم بتوانم شان بە شانی ئەو دۆستانە، لە ئەرکە پیرۆزەکانم سەرکەوتوو بم.

  5. درود کاک هۆمەر گیان، درود لەو نوسیاگە خاسەتە، هیوادارم ئەو مەڵبەندە بە یارمەتی جەنابتان بتوانێ هەنگاوی باش بنێت. حەتمەنیش دەتوانێ، چون کەسانی دڵسۆز و بەتوانا و خاوەن مەوزوع خەریکی کاروبارەکانن، گشتی کوڕی چاک با تەجروبەن.

  6. با کارینا موافقم

  7. مهم خروجی و تداوم کار هست متولی فرهنگی زیاد هست اما آثار زیانبار تهاجم فرهنگی و امثالهم هنوز هم هست و می بینیم … مثل طلاق …

  8. من بعنوان یک جوان پاوه ای میگویم این تبلیغات توخالی بیفایده است.
    شماها فرهنگ و هنر پاوه را قبول ندارید و ما هم شما را باور نمیکنیم.
    اینهمه سال کجا بودید .معلوم است برای مجله های مهاباد و سنندج زحمت کشیده اید الان هم برای اونا کار کنید. همه شماها ادعای توخالی هستید و به اندازه یک صدم میرزا عبدالقادر و کاک یوسف و کاک غازی و صدها شاعر بزرگ پاوه ای برای فرهنگ پاوه ارزش قایل نیستید.
    اگر دلسوزی پاوه هستید زبان و فرهنگ پاوه را در جاهای دیگه تبلیغ کنید. نه اینکه بلندگوی مردم مهاباد و سنندج باشید. فرهنگ پاوه ایها هزاربار بزرگتر از آن مناطق است.

    • جوانو پاوەی

      هەڵبەت ئەمن سەرەم سڕ مانۆ شمە پسە جوانێی پاوەیی، پێسینە ڤسێ مەکەری!!
      ئاخور کاکە، ئی هەنجومەنە، وێش قەرزدارو کاکە یۆسفی و کاکە غازی مەزانۆ. چکۆوە ئەومێنی!! خۆ مەراسیمو پەردەلادای لۆگۆو موئەسسەکەی بەیادو کاک یۆسفی و کاک غازی بێ و خێزانەو کاک غازی پەردەکەش لادا جە لۆگۆکەی.

      تازە، ئی موئەسسە، گەرەکشەن شارو پاوەی پسە پایتەختو ڕۆشنویری هەورامانی بژناسنۆ و کار پەی گەورەبیەی و گەشانەوەو پاوەی کەرۆ.
      چکۆوە ئۆمێنی، جە داخێنە، کوڵ چێوێوەت قاتی کەردەن!! خۆ سنە و مەهاباد دژمەنێ پاوەی نیەنێ، برەیشەنێ و گرد پێوەرە مەوۆ گەشە کەران!

      چکۆوە ئەومێنی ئەپیسینە کوڵ چێوێوەت تێکەڵ کەردەن! بدیە دماوە بزانە چندە جونێ پاوەئیێ کەوتێنێ شۆنەت، دماوە خوڕەرە.
      تۆ تەبلێغێ تووخاڵیێ مەکەرە.
      کوڵ چێوێوە مەشی، تەنیا جوانێ پاوەیی نەوۆ.

      جەسەت دیارەن سەرەت مەکەری لێ وڵێرە!
      جونو پاوەی پاوەیی مەنویسۆ، نەک فارسی

  9. هۆمه‌ر نۆریاوی

    سوپاس بۆ ئه‌و دڵه‌ میهره‌بانانه‌ و لوتفیان به‌رانبه‌ر به‌م بچووکترینه‌ی هه‌ورامان. به‌ دڵ وه‌رگری ڕا و بۆچوون و ڕوانگه‌ و ڕه‌خنه‌ی یه‌ک به‌ یه‌کتانم و به‌ پاڵپشتی ئێوه‌یه‌ که‌ ده‌توانم درێژه‌ به‌م خه‌باته‌ بده‌م. دایلان، کارینا، پاییز، دلێر،وه‌ڵه‌د، هاوار، ناشناس، ویمیر و جوانو پاوه‌ی ، ڕوانگه‌ و بۆچوونتان ده‌خه‌مه‌ سه‌ر چاوم. له‌ نووسینی” بۆچ ده‌بێت به‌ کوردی بخوێنینه‌وه‌ و بنووسین” به‌ تێر و ته‌سه‌لی له‌سه‌ر وته‌کانی ئێوه‌ باسم کردووه‌ و بۆ ده‌ستخستنی وه‌رامی پرسیاره‌کانتان، ئه‌م بابه‌ته‌ بخوێننه‌وه‌. بمبوورن وه‌رامدانه‌وه‌که‌تان دوا که‌وت.
    هۆمه‌ر نۆریاوی
    ۲۵ی به‌فرانباری ۲۷۱۶(۱۳۹۵ی هه‌تاوی)

پاسخ دهید

نشانی ایمیل شما منتشر نخواهد شد.